<![CDATA[CARCAGNUTI - Post]]> http://frasqui.leonardo.it/blog Mon, 22 Mar 2010 10:33:00 GMT <![CDATA[Ho finalmente il mio sito]]> http://frasqui.leonardo.it/blog/ho_finalmente_il_mio_sito.html http://frasqui.leonardo.it/blog/ho_finalmente_il_mio_sito.html Sono riuscito finalmente a mettere in rete il mio sito.

Tutti i materiali di " I Carcagnuti" e tanto altro ancora li potete trovare a questo indirizzo.

www.frasqui.com

]]> http://frasqui.leonardo.it/blog/ho_finalmente_il_mio_sito.html#leggiCommenti Fri, 02 Dec 2005 15:58:00 GMT <![CDATA[U Vangelu santamarisi]]> http://frasqui.leonardo.it/blog/u_vangelu_santamarisi.html http://frasqui.leonardo.it/blog/u_vangelu_santamarisi.html s’inchjia ru mari!

A megghjia parola
è chira c'u ssi dicia!

A ra cazzunaggina
u cc’è rimediu!

A ragiuni è di fissa
e ru tuartu è di cornuti!

A malerva u mora mai!

Attacca u ciucciu
duvi vo ru patrùni!

Cchiù d'avuta è ra muntagna
e cchiù carrica ra nivi!

Chini nescia tundu
u mora quatru!

Chini pratica ccu ru zuoppu,
all’annu zoppia puru!

Chini si nzura
è cuntientu nu juarnu!

Chini ammazza ru puorcu
è cuntientu tuttu l’annu!]]> http://frasqui.leonardo.it/blog/u_vangelu_santamarisi.html#leggiCommenti Fri, 07 Oct 2005 21:22:00 GMT <![CDATA[U mundu ncuaddru]]> http://frasqui.leonardo.it/blog/u_mundu_ncuaddru.html http://frasqui.leonardo.it/blog/u_mundu_ncuaddru.html E u tt’è rimastu mancu nu parenti.
Comporta… c’u ffà nenti
Ancora ud’è furnuta
Pua diri ch’è furnuta veramenti
Ca n’cuaddru t’è cadutu u mundu sanu
Quandu passi vicinu a nnu pizzenti
E nnu tti stenda mancu a manu.

Chista mi l'ha ditta a vvuci Giancarlu.
]]> http://frasqui.leonardo.it/blog/u_mundu_ncuaddru.html#leggiCommenti Wed, 31 Aug 2005 22:08:00 GMT <![CDATA[A farza i Cannalivari]]> http://frasqui.leonardo.it/blog/a_farza_i_cannalivari.html http://frasqui.leonardo.it/blog/a_farza_i_cannalivari.html Pirsunaggi

Cannalivari
Corajisima (a mugghjieri)
Nutaru
Mascarati

Cannalivari canta e ri mascarati rispundanu abballando a tarantella.

CANNALIVARI
Sugnu cannalivari gruassu e grassu
E ri cavuzi li puartu a zumpafuassu;
Manciu sazizzi e pani e mi la spassu
Mi vivu u vinu, ntuastu, ma u mmi spuassu;
Qandu ncappu na vutta ma sdirrassu
M’azziccu a ra canneddra ccu ru mussu
E su mundu sbampa e cada tuttu
Manciu pani e sazizzi e mindi futtu

CORO

Abballamu a tirantella
Tutti arriati a cannalivari
Abballamu ccu ra ciaramella
E purtamulu ngiru ppi ssi mpari
Pua pigghjiamu na bona pilucca
Tutti assiami a ru cumpari
Abbrazzamu na giuvineddra
E mbivimu a ra cannateddra

CANNALIVARI
U vuagghjiu vidiri miadici e lizzetti
Ne medicini ccu cartelli scritti
I pinnuli mia sunu li vrascioli
Falli ccu carna i puarcu e doppu frìali
U sciruppu mia, è sulu u vinu
Ca sulu chiru mi conza ri stintina
A ri ditturi, a chiri facci tosti
Cci lassu ccu piaciri tutti i sumposti

CORO

Abballamu a tirantella….

CANNALIVARI
Cchjiù fimmini tiagnu e cchjiù ndi vuagghjiu
Speci si su spusati e senza griddri
M’abbrazzu a chiru pìattu muaddru muaddru
Ed’ia mi siantu a capu ammianzu i stiddri
Allura ia mi fazzu muaddru muaddru
Finc’a cuverta u mmarrimbogghjia
Pari ca tira cchjiù na corda di campana
Ma ia tiru u juppuni e ra suttana.

CORO

Abballamu a tirantella….

CANNALIVARI
U fumu sigaretti ma sicarru
E puru a pagghjia i du mbastu mi fumerra
Ppi ru tabbaccu facerra na guerra
Cumi u nannu mia quand’era nterra
E puru ca mi chiamanu tamarru
Mancu i capiddri i migghjiu cci lasserra
E quand’u putigaru era luntanu
M’haiu fumatu u tabbacchinu sanu

CORO

Abballamu a tirantella….

CANNALIVARI
I fatigari u mmi ndi parrati
Ch’intra a vambaci sugnu crisciutu
A durmiri cuntiantu vua mi lassati
Ca ia dinari mai nd’haiu vulutu
E ppi fatiga u mmi risbigghjiati
Ca sinnò ia m’incazzu e fazzu u ciuatu
A fatiga mia cc’è cchini a fà
Lassati jiri u mundu cumi và

CORO

Abballamu a tirantella….

CANNALIVARI
Ia u mmi lamiantu cu tiampu passa
U fazzu nè nu friscu e nè na mossa
S’è nu ricuardu biaddru pua mi lassa
Ud’è ca mi ndu puartu puru a ra fossa
I jinnaru a dicembri passa e spassa
U tiampu ch’allatri rumpa l’ossa
A mmia chi manciu e fumu puru a pippa
Mi rumbanu i stintina e puru a trippa

CORO

Abballamu a tirantella….

CANNALIVARI
Vuagghjiu abballari pur’ia sa tirantella
Vuagghjiu zzumpari pur’ia cumi nu griddru
Ad abballari ccu mia mbitu a cchiù beddra.
Pua nu vasuni cci dugnu a pizzu
Ad ogni zzita, ad ogni cummareddra
Vuagghjiu abballari ancora ppi cent’anni
Cacciandu ccu ru sdrusciu tutt’i malanni
CORO

Abballamu a tirantella….

CANNALIVARI
Viu surdati e bumbi a murra a murra
Jiri su mundu mundu a fari guerra
Gianti chi guarda ncialu subba a turra
Ppi vidiri si u mundu si sutterra
Ia viu i cca e ddi ddra nu fujia fujia
Ppi mintiri cchjiu sordi dintr’a cascia
Ma ia i minterra tutti a na tavulata
Vinu, sazizzi, prisuttu e supprissata.

CORO

Abballamu a tirantella….

CANNALIVARI
U vuagghjiu diri nenti i du Cumuni
Ca pari ca ru malatu puru cci mini
U vuagghjiu parrari mali mancu i d’ancunu
Ca para na jucata i du malu distino
Nu fuacu cci minterra ccu nnu tizzuni
Quando u cunsigghjiu è tutt quantu chjinu
Ppi d’alligrari sa carnivalata
Mancu na tavulata hanu appruvatu

CORO

Abballamu a tarantella….

CANNALIVARI
I deputati ch’intr’u parramiantu
Fanu li leggi e parranu a ru viantu
A nnua tamarri ni fanu capiri
Ch’è tiampu di canciari senza patimianti
A mafia, i intrallazzi e  ri dilinguenti
Ppi zzumpari u palazzu paru paru
Cci vulissa daviaru cannalivari

CORO

Abballamu a tirantella….

CANNALIVARI
Ma vi para ca ia puazzu campari
Ccu tutti si pinziari pari pari
Ia vuagghjiu maccarruni ppi manciari
E vinu buanu ppi mmi mbriacari
Vuagghjiu nu puarcu sanu e pua....cripari
E doppu muartu vuagghjiu bàndiari
E subba a tomba u vuagghju scrittu tundu:
“Si nda futtutu sempri i tuttu u mundu”

Finitoria i da prima parti.]]> http://frasqui.leonardo.it/blog/a_farza_i_cannalivari.html#leggiCommenti Tue, 23 Aug 2005 18:37:00 GMT <![CDATA[Prisenti e passatu]]> http://frasqui.leonardo.it/blog/prisenti_e_passatu.html http://frasqui.leonardo.it/blog/prisenti_e_passatu.html E’difficili leìri u dialettu,
è difficili aru parrari,
è difficili aru capiri:
a cchi serva?

Succeda ca i paroli,
perdano siansu.
Succeda ca “urzulu”
u vvo diri nenti.

Ca pua serva ad ancuna cosa,
sapiri cchi d’è l’”urzulu”?
A nua ni serva u ‘nglesi,
ppi d’arrivari ara fini i du misi!

L’”urzulu” lassamulu stari,
è cosa ppi chini u tena nenti cchi fari.
I cosi vecchi u servano a nenti,
su sulu cosi a manu i di pizzenti.

E’ veru chi paroli su nicissari
Ppi mantiniri i custumanzi nuastri
Ma ia di l’usanzi cchi mmi nd'haju fari,
sa ra panza u cci puazzu dari a manciari.

Ia sugnu u prisenti,
u mmi puazzu ntricari i du passatu.
- Ccu l’acqua passata u macina ru mulinu!-

Passatu…

- Aprili fa ru jiuri e majiu nd'ha l’onuri! -]]> http://frasqui.leonardo.it/blog/prisenti_e_passatu.html#leggiCommenti Wed, 03 Aug 2005 10:49:00 GMT <![CDATA[Paroli]]> http://frasqui.leonardo.it/blog/paroli.html http://frasqui.leonardo.it/blog/paroli.html I paroli tenanu l’anima.
U ssu sulu nu mbruagghju i vucali e littiri.
Ti si mai dimandatu cchi ssu i paroli?
I paroli su fatti, su pirzuni, su cosi:
tu parri e ri paroli disegnanu u mundu chi teni intr’a capu.
Nu mundu chjaru, pricisu, cuami ti piacia a ttia.
Pirzunaggi, strati, fatti  ninni e fatti randi,
su paroli, e ccu ri paroli cci damu vita.
E cchi fussa mai u mundu senza paroli:
i paroli cadano,
si mucanu cumi i pampini i l’arvulu
ca però, sempri, torna ggjigghjiaa.
Chini u sa quanti paroli su caduti,
chini u sa duvi su gghjuti a finiri l’animi i di cosi:
forzi aru paradisu i di paroli…
ma chiri paroli ca su caduti,
sind’hanu purtatu ccu d’iddri
l’anima i di cosi ca arripprisintavanu.
E’ ddi su modu ca sindi vanu i civiltà!

]]> http://frasqui.leonardo.it/blog/paroli.html#leggiCommenti Wed, 03 Aug 2005 09:36:00 GMT <![CDATA[Chjcati juncu, ca passa ra chjna]]> http://frasqui.leonardo.it/blog/chjcati_juncu_ca_passa_ra_chjna.html http://frasqui.leonardo.it/blog/chjcati_juncu_ca_passa_ra_chjna.html u ssi canuscia cchjiù l'uamini buani.
U cc'èspiranza ca vutamu arriati,
e puru c'u vulimu, simu ntricati.

E ssi percasu cerchi i ti scansari,
u cc'è piriculu ca ti pò sarvari.
Aru mundu i di fissa tu si natu,
e nnu cc'è verzu, si cundannatu!

U mundu oji e fattu ppi ri spiarti,
chi du fricari u populu, si su mparati l'arti.
Sudari u pani è na fissiria,
adatta sulu ari fissa cum'attia!

Cuami finiscia ia u ttu sacciu diri,
sacciu sulu ca sempri bona u nni pò jiri.
Si tutti ricogghjanu e nuddru simina,
ancunu juarnu vida ca finiscia ra farina.

Chjcati juncu, ca passa ra chjna!]]> http://frasqui.leonardo.it/blog/chjcati_juncu_ca_passa_ra_chjna.html#leggiCommenti Wed, 03 Aug 2005 08:26:00 GMT <![CDATA[Chistu è u paisi...]]> http://frasqui.leonardo.it/blog/chistu_u_paisi.html http://frasqui.leonardo.it/blog/chistu_u_paisi.html duvi i fissa sunu miagghjiu i tia,
u paisi i mi ncrisciu e mindi futtu
ed ogni cosa e sempri fissiria.

e si ndi vò sapiri natra i cchiù,
chissu è ru paisi i scinda e fallu tu;
nu paisi disgraziatu:
ne d'iacuntiantu, ne tu... cunsulatu.
]]> http://frasqui.leonardo.it/blog/chistu_u_paisi.html#leggiCommenti Sun, 31 Jul 2005 16:12:00 GMT <![CDATA[A chitarra i du dialettu]]> http://frasqui.leonardo.it/blog/a_chitarra_i_du_dialettu.html http://frasqui.leonardo.it/blog/a_chitarra_i_du_dialettu.html mintitilu n' catini,
spojjiatilu,
mbuddraticci  a vucca,
e' ancora libiru.

TCacciaticci u lavuruo,
u passapuartu,
a tavula dovi mancia,
u liattuo duvi dorma
è ancora riccuo.

Nu populu,
diventa poviru e siarvu
quando cci arrobanu a lingua
avuta i di patri:
è piarsu ppi sempri.

Diventa poviru e siarvu
quando i di paroli u nescianu paroli
e si manciano tra iddri.

Me ndi addugnu mo,
mentre ca accuardu a catarra i du dialettu
ca perda na corda u jiuarnu.
]]> http://frasqui.leonardo.it/blog/a_chitarra_i_du_dialettu.html#leggiCommenti Sun, 31 Jul 2005 15:43:00 GMT <![CDATA[Santamarisi]]> http://frasqui.leonardo.it/blog/santamarisi.html http://frasqui.leonardo.it/blog/santamarisi.html Quantu su beddri si santamarisi
Ca t’apiranu a porta e dicianu… trasa
Pua ti dimandanu si tiani turnisti
E s’un di tiani ti chiudano fora.

Santamarisi, cori d’amuri,
toccacci a tasca
e sianti i duluri.

Fimmini di San Mauru, cori ‘ngrati,
qual è la carità chi vua faciti,
nu pocu i d’acqua nun ci la dunati,
muriri di la siti ndi faciti.

Santamarisi, cori....

U vvi circamu, no, ciantu ducati,
nemmeno ncuna cosa cu d’aviti,
ma vi circamu e vua, u ccia nigati,
na supprissata e nu bicchieri i vinu.

Santamarisi, cori ....
]]> http://frasqui.leonardo.it/blog/santamarisi.html#leggiCommenti Sun, 31 Jul 2005 15:31:00 GMT